Святому Патрику, просветителю Ирландии (17/30 марта)


          Тропарь, глас 4
   Благодать Божию восприял  еси,  землю  плена  своего  любовию 
 Христовой просвещая. Евангельскаго света  апостол  явился  еси, 
 чудесами и премудростию  Божией  нечестие  языческое  низлагая. 
 Темже молимтися, святый равноапостольный Патриче,  просветителю 
 Ирландии, моли Христа Бога спастися душам нашим.


          Иной тропарь, глас 3
   Святителю Патрикие, равноапостольный чудотворче, просветителю 
 Ирския страны, моли милостиваго  Бога,  оставления  прегрешений 
 даровати душам нашим.


          Кондак, глас 8
   Яко луч горняго Солнца Правды во Ирландии  яви тя Святый Дух, 
 Крестом  Христовым  поклонение  солнцу  дольнему  упраздняя, во 
 отоце окияна моря  кельтския языки ко благочестию  привел  еси, 
 темже,  любовию  сошедшеся,   празднуем  память  твою,  Патриче 
 богомудре, просвещай верою  призывающия  тя  и  чтущия  честную 
 память твою.


          Иной кондак, глас 4
   Показался еси истинный ловец человеков,  мрежи бо благовестия 
 евангельскаго простер,  уловил еси языки во Царствие  Христово, 
 крещением просвещая во тьме поклонения идольскаго  пребывающия, 
 и  тех  сотворяя  чада  живаго  Бога.   Сего   ради  молим  тя: 
 предстательствуй о нас, отче  Патрикие,  чтущих  святую  память 
 твою.
 _______________________________________________________________